~¤ô§ô¤~ أفااااا ياقلبي الطيب...أفا وشلون ترضاها ~¤ô§ô¤~

. عدد الرسائل : 64 تاريخ التسجيل : 15/10/2007

دخيـل الله ياقلبـي أنـا طالـبـك تعفيـنـــــي
أنـا طالبـك تنسااااانـي ولـو مـره تخلينـي

أعيش بدنيتي وأهنا مثل باقـي البشـر سالـي
بدون الحب ياقلبـي وبـدون همـوم تكوينـي

أنا ماعـاد فينـي روح تبيهـا تتبعـك ثانـي
انا فيني جسد باقـي بـدون شعـور يحوينـي

على كثر القلوب اللي هوينـا ماصـدق واحـد
ياقلبي ابتعد عنهم تـرى اللـي فينـي كافينـي

زرعْت الحب فأعماقي وحصدْت جروح تاليهـا
وردى هالحظ خاواني ولقى كل مايبـي فينـي

كثير أحباب حبينا وعطيناهـم بـدون حسـاب
ولاخذنا سوى غدر ٍ مـلا راحـات كفينـي؟؟

وكثير أسباب تجبرنـا بـلا حسوفـه نخليهـم
لأن والله مافيهـم ولا واحـد مــلا عيـنـي

ولكن أكبر الصدمات جتني مـن يديـن اللـي
حسبته غيـر كـل النـاس ومايعنيـه يعنينـي

هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي

عطيته من دفا روحـي قصايـد أشعلـت ليلـه
وأنا ما كتبت لغيـره ولا أي شخـص يغرينـي

كتبت أحلى كلام الحب فـي عينـه ولافكـرت
يجي اليوم اللي أستخسر قصيدي فـي محبينـي

على مبدا (الخصوصيه) يحاول يبعـد شكوكـي
وعلى مبدا (الصراحه) كنت وكانت لعبته فينـي

خذلني للأسف والله وهدم كـل مابنيناه بلحظـه
وطلع هالحب مايسوى مواطي تـراب رجلينـي

أنا كنت أحسبـه أعظـم علاقاتـي ولاظنيـت
بأن أعظم علاقاتـي بخيانـة حـب تنهينـي !!

ويمّي صاحبـي دايـم يذكّرنـي بوهـم حبـــي
وأقول ارتاح ياعمي ترى مالـك شغـل فينـي

خسرت أصحابي من حولي خسرت الكل بأسبابه
ألا حسبـي عليـه الله كثـر ماهـو معنّيـنـــي

أفااااا ياقلبي الطيب...أفـا وشلـون ترضاهـا
وأنا من صدمة ٍ بالحب إلـى صدمـه تودينـي

بدون عناد اسمعني ولا تفتـح لـي الموضـوع
حشا لو تفتحه ثانـي لأشيلـك مـن شرايينـي

خلاص الحين انساهم وأنا ماعـاد فينـي حيـل
لهـم رب ٍ يجازيهـم ولـي رب ٍ يجازيــنـــي

وسلااااامتكم
منقول
اتمنى ان تناال على رضاكم اختكم
بنووته كوول

صح لسان قايلها

ومشكوره ع الطرح

تحياتي لك يالغلا

. عدد الرسائل : 64 تاريخ التسجيل : 15/10/2007

ثانكس على مرورك
ولا تحرمنا من طلاتك الحلوه
اختك
بنووته كوول

. عدد الرسائل : 252 تاريخ التسجيل : 27/09/2007

تسلمين على هالذوق

ولكن أكبر الصدمات جتني مـن يديـن اللـي
حسبته غيـر كـل النـاس ومايعنيـه يعنينـي

هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي

عطيته من دفا روحـي قصايـد أشعلـت ليلـه
وأنا ما كتبت لغيـره ولا أي شخـص يغرينـي

كتبت أحلى كلام الحب فـي عينـه ولافكـرت
يجي اليوم اللي أستخسر قصيدي فـي محبينـي

بنوته كول رائم رائعه
تسلمين على هذا الابداع الرائع
تحياتي وتقديري

~*¤ô§ô¤*~ أفااااا ياقلبي الطيب...أفا وشلون ترضاها ~*¤ô§ô¤*~

~¤ô§ô¤~ أفااااا ياقلبي الطيب...أفا وشلون ترضاها ~¤ô§ô¤~