موضوع: لا يفوتكم شروط التسجيل في منتديات المساطيل الجمعة أكتوبر 26, 2007 11:20 pm
لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة : اعرفوا الشروط زين....وافهموها....و اللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا الله فيكم ولا في الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي... 1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه باقرب طعس ...همني قايلكم حنا ما نلعب 2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرا وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجرا.....همني قايلكم حنا ما نلعب 3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد واطلع فيه على ارتفاع 50000 الف قدم وابجدعه على خوص نخله...علشان ما يتعود لها همني قايلكم حنا ما نلعب 4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم... 5- الساحه الرياضيه لكم ثنتين...واللي ماهو نصراوي لايوطوط فيذاك ....ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل <<<ما قلنا تنشرب 6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش. ..ساحتنا وحنا حرين فيها 7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها 8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان التفحيط ما هو بالشطاره ولا بالمصاله.....التفحيط فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....همني قايلكم ما نلعب... 9- قريتوا الشروط........هاه عجبتكم....فهمتوها... طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند المطعم ولا المطار ولا المكتبة المركزية اللي باقي أبا أخلي طرف منها وتقع جنوب المنطقة المركزية واللتي تبعدعن سكة الحديد ..........أقول انعطيتوا وجه انتم ....ولا باي محل.... 10- كلنا عيال قريه وكلن يعرف خيه... 11- هماني قايلكم حنا ما نلعب الان اسماء المنتديات بعد التعديل :- * منتدى شخبط وخمبق ترى محد لمك.....المنتدى العام سابقا * منتدى شاعر في المشمش......المنتدى الشعري سابقا * منتدى مواضيع مهناش احد.....منتدى المواضيع الجاده سابقا * منتدى معاهم معاهم عليهم عليهم. ...المنتدى الرياضي سابقا * منتدى كن صديقي.....منتدى المواضيع المتميزه *منتدى إي والله........المنتدى للمسفوهين والمسحوب عليهم والمصدومين نفسيا سابقا بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا بالنسبه للمحادثات....تسان ودكم نسوي لنا طلعة بر على الطبيعه ازين... ملاحظه...... اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....ياهو بينفقع وجهه ياهووووووووه وقال أنا ماشي 0-موافق 0-غير موافق أرجوا أن ينال أعجابكم ! تحياتي . .
&*سفير الحب*& .
عدد الرسائل : 252 تاريخ التسجيل : 27/09/2007
موضوع: رد: لا يفوتكم شروط التسجيل في منتديات المساطيل السبت أكتوبر 27, 2007 5:18 am
ههههههههههههههههههههه انا شكلي ابطلع من المنتدئ انا انسان ما اقدر اجلس هنا ون جلست لازم اكتب اي مو ضوعواخاف اكلها من يفكني عاد ههههههههههههههههههههههههههههههههههههههه مشكوره اختي النووووف علي المواضيع المميزه
ال@نوف عضو حبوب
عدد الرسائل : 35 تاريخ التسجيل : 21/10/2007
موضوع: رد: لا يفوتكم شروط التسجيل في منتديات المساطيل السبت أكتوبر 27, 2007 2:28 pm
دووووووووم هالضحكه سفيييير
تحياتي لمرورك العطررررر
الهنووووف
& شوق الذكريات & عضو مميز
عدد الرسائل : 76 تاريخ التسجيل : 04/11/2007
موضوع: رد: لا يفوتكم شروط التسجيل في منتديات المساطيل السبت نوفمبر 17, 2007 12:29 pm