قصايد رومنسيه
يقولون ليش ما تكتب قصايد رومنسيه
وانا اقول تكفون خلوني بأحزاني
مالي بالرومنسيه واوراقي مبليه
بحزن ودمعن دايم هال بأعياني
تقول الاحزان انا دايمن فيك ياذيه
وانا اقول خلاص يكفيني ما جاني
حالة الحزن بالنسبه لي طبيعيه
ومتعود عليها وماني لها بعاني
لان خلي يدري بها ولا حس بيه
ويدري انه هو اللي ساكن اعياني
ترى بعادك شمس وانت لي الفيه
وهجرك والله نار طفيها على شاني
قلي ليه ذي سواتك يابعد من ليه
مشغلني وذابحني وانا والله انساني
ولي قوة صبر وتراها مب عاديه
خليتها تقوى وتزيد بمر الازماني
مع كل هذا فيه حاجه مستحــيليه
اني انساك اواخليك لواحدن ثاني
وبنطرك لين ما تندم وتحس بـــيــه
وكلمة النسيان ماهي موجوده باشجاني
عرفتوا ليه ما اكتب قصايد رومنسيه؟!!
الحين تكفون خلوني بأحزاني
موضوع: قصيدهـ بعنوان : قصائد رمنسيهـ 
السبت نوفمبر 17, 2007 4:03 am
