الـود ودي مـاتـودد ولا اود
وابعد فؤادي عن طريق الموده
مالي ومال الود مادامـه يصـد
يسلب فؤاد الحي بدري يهـده
اهوم في درب الهوى ودي الود
اسهر مع النجمه وسهدي اعده
طرفا غشاني واغتشاني وبي لد
سلهم عيونه عاجزا كيف ارده
درب الهوى ميرادها فاوله عد
من بسمته اجني وصاله وشهده
اناكف الدمعه مأمل على الـرد
طرفا سكن فالقلب كيف استرده
اجامل النفس العليله ولا اشـد
اخايله في طرف عينـا تـوده
واصوره للروح فالخافق مـود
كل ماترجيتـه فـؤادي يصـده